Time out..............

Jamms, þá er mín barasta komin í frí, langt helgarfrí, alveg óvænt. Þó að það sé ekki gott að kynningarnar mínar hafi frestast, sem búið var að bóka, þá er ég samt pínulítið fegin. Var einmitt að hugsa það í gær að mig vanti hreinlega tíma til að sinna heimili, börnum og hundum. Vorhreingerning er á dagskrá, hundasnyrtingar og þjálfun. Svo ætlum við líka að freista þess að girða garðinn og gera hann almennilega hundheldan.

Mig skortir allavega ekki verkefni. Svo get ég kannski verið duglegri hér á blogginu í leiðinni, náð að lesa meira frá ykkur hinum og kvittað, bara gaman að því. Þó að ég hafi um nóg að snúast ætla ég samt að leyfa mér að sinna sjálfri mér líka. Ná því að taka til hjá sjálfri mér og skipuleggja. Smá naflaskoðun er tímabær og sjálfsskikking og fínpússning í góðu lagi. 

Tíminn hefur hlaupið frá mér í vor, einn daginn var febrúar, svo lít ég upp og það er kominn maí! Mér leið í gær eins og að ég hafi verið að eltast við skottið á sjálfri mér, en aldrei náð almennilega utan um það, fyrr en nú. Vonandi tekst mér að ná í skottendann á öllu því sem setið hefur á hakanum, núna bara.

Jæja, farin að ráðast í eldhúsið....see you later

Athugasemdir

[Guðrún B. (IP-tala skráð) 16.5.2008 kl. 11:32]

Skott !! Hvar ertu með skott ?? Ég hef barasta aldrei tekið eftir því, það hlýtur að vera vel falið hehe..

Farðu vel með þig góða mín, bið að heilsa þér. Það þurfa allir að hvíla sig annars slagið. Annars verður maður bara snarbrjál.. láttu mig vita það.

Knús og klemm...

Klettamærin.

[Gunnar Helgi Eysteinsson, 16.5.2008 kl. 20:26]

Það er ekkert að því að fá sér time out..

[Ásdís Sigurðardóttir, 16.5.2008 kl. 23:49]

Alltaf gott að hvíla sig inn á milli.  Farðu vel með þig mín kæra og njóttu helgarinnar. 

[Huld S. Ringsted, 17.5.2008 kl. 15:25]

Það er nauðsynlegt að taka stundum tíma frá fyrir sjálfan sig og hlaða batteríin. Farðu vel með þig og góða helgi

[Margrét Össurardóttir (IP-tala skráð) 18.5.2008 kl. 09:18]

knúsíkrútt

[Bjarney Hallgrímsdóttir, 18.5.2008 kl. 09:34]

Gangi þér vel í þessu öllu og gott að geta hlaðið batteríin, gjörsamlega nauðsynlegt