Dauðsfall tölvu, ný fædd.......

Jæja gott fólk. Tölvan mín dó drottni sínum í gær! Akkúrat í miðjum klíðum, þegar ég var búin að vera alla nóttina að þýða, ætlaði að senda afrit á maili, en púff, dáin! Hún var búin að vera leiðinleg í smá tíma, en ég átti ekki von á þessu. Hringdi í hvelli í Kísildal.is og þeir redduðu málunum þessar hetjur. Ég keypti mér bara nýja tölvu á viðráðanlegu verði, þeir björguðu gögnunum mínum og núna áðan komst þessi fína tölva í gang!! Þjónustan hjá þessum drengjum er til fyrirmyndar!!! Hin tölvan var svo rækilega búin að það var sólarhringsvinna að ná til gagnanna minna í henni. En það tókst! Ég held að þar séu á ferð algjörir snillingar. Ekki verra að vera held ég ódýrastir á markaðnum í dag.

Núna sit ég fyrir framan 22 tommu skjá, með 800 gb til nota og kann ekki við nýja lyklaborðið, en eflaust venst það eins og allt annað. 

Ég hef ekki haft neinn tíma til að kíkja bloggrúntinn núna undanfarið heldur, en ég vona að ég nái því að minnsta kosti einu sinni á næstu dögum. Þó það verði ekki í kvöld. Ég er bara að stelast til að blogga smá núna. Varð bara að minnast á þessa snillinga, ég held að það sé ekki víða sem hægt er að fá svona þjónustu, bjarga öllu sem hægt er að bjarga og koma því fyrir í nýju græjunni líka. Ómetanlegt!

Hafið það sem best elskurnar, ég hugsa til ykkar, þó ég kíki ekki alltaf.

Athugasemdir

[Ásdís Sigurðardóttir, 23.1.2008 kl. 22:21]

Hvar er þessi Kísildalur.is?? rétt hjá LA?  gott að allt reddaist og er komið í lag.   

[Guðrún B. (IP-tala skráð) 23.1.2008 kl. 23:44]

Til lukku með nýju tölvuna.

Mar ætti kanski að fara þangað.. Tóti tölvukall er alltaf upptekin

[Margrét Össurardóttir (IP-tala skráð) 24.1.2008 kl. 14:56]

Kísildalur hvað? Hvað er það? spyr líkt og Ásdís.

[Bjarndís Helena Mitchell, 24.1.2008 kl. 18:17]

Hehehe, þetta er netverslun með tölvur og tölvubúnað. www.kisildalur.is Frábær þjónusta hjá þeim og mjög gott verð sakar ekki. Ætli nafnið vísi ekki á "Silicon Valley" í Californíu.

[Bjarney Hallgrímsdóttir, 24.1.2008 kl. 19:13]

hef aldrei heyrt af þessu fyrirtæki áður, en frábært að þú fékkst nýja tölvu og að gögnin komin á sinn stað

[Katrín Ósk Adamsdóttir, 24.1.2008 kl. 23:57]

Til hamingju með tölvuna  Ég hafði ekki heyrt af þessu fyrirtæki áður,en er búin að skoða síðuna hjá þeim og auðvita vista hana til seinni tíma.Er að fara að kaupa tölvu fyrir drenginn, og aldrei að vita nema að þarna finni ég eitthvað sem hentar honum  Hafðu það sem best Baddý mín  Við hvað ertu að vinna ?

[Fishandchips, 25.1.2008 kl. 00:52]