London, fjör og hvolpaskott....

Góðan daginn góðir hálsar.

Þá er ég að lenda loksins eftir helgarferðina til London. Þar var sko fjör. Við íslendingarnir hirtum öll verðlaunin og viðurkenningarnar á ráðstefnunni, hinir fengu líka smá, en samt....

Þetta varð til þess að enginn gat farið neitt frá hópnum, skroppið á snyrtinguna eða á barinn, því þá var maður gripinn og spurður spjörunum úr næsta hálftímann í það minnsta. Það er alveg hægt að verða hrokafullur við svona móttökum, en við erum sem betur fer flest bara gott fólk og gáfum af okkur vel og víða. Enda okkar hópur allur bara gott fólk og elskulegt. Annað dugar ekki til.

Þetta var gaman og fórum við stelpurnar á laugardagskvöldinu inn í miðborgina, út að borða og löbbuðum um svæðið í smá tíma. Æðislegt! Ég fékk náttúrulega bara svona nostalgíu kast, þar sem ég bjó í London og vann í miðborginni þegar ég var ung. Löng saga...........

Svo kom ég heim, einu viðskiptatækifærinu ríkari líka........Hehe, nóg að gera og gaman að því. Segi kannski nánar frá því í annari færslu, þetta er allavega spennandi vara og tækifæri, ég þarf að kynna mér það aðeins betur áður en ég fer að blasta því á netið.....

Ég náði að sofa í allt um 6 klt frá nóttinni áður en ég fór út, þangað til ég kom heim mánudagsmorguninn. Ég get svarið það að ég ætlaði ekki að geta vaknað til að mæta á fund í gærmorgun! Sama sagan í morgun þegar ég átti að vakna til að koma strákunum í skólann, ég hreinlega svaf yfir mig!

Tröllatrúar Balí Blaka kom til baka til okkar á föstudagskvöldinu, (ég var komin út) og í gærkvöldi fékk hún nýtt heimili hjá yndislegri konu sem missti hundinn sinn fyrir rúmri viku síðan. Mikið skil ég hana vel að geta ekki hugsað sér lífið hundlaust. Vona ég að núna sé Balí lent á sínu framtíðarheimili og að þær eigi eftir að eiga góðar stundir saman. Hún er allavega hjá drauma eigandanum, ég gat ekki fundið neinn ókost við konuna, bara jákvæða punkta og hún smellpassaði við lýsinguna á óskaeigandanum fyrir dömuna, samkvæmt hvolpaskapgerðarmatinu. Þetta verður bara lúxuslíf á stelpunni. Vil ég óska þeim báðum til hamingju með hvora aðra.

Jæja, nú þarf ég að fara að taka upp úr töskunum, bóka mig, skipuleggja mig og kynna mér betur nýja tækifærið, ásamt því að kíkja bloggrúntinn allavega smátt og smátt eftir tíma og getu.

Vonandi hafið þið það sem best elskurnar

Peace

 

Athugasemdir

[Katrín Ósk Adamsdóttir, 19.2.2008 kl. 16:52]

Til hamingju með vellukkaða ferð til London  Ég hefði nú alveg viljað vera þarna með ykkur,greinilega frábær hópur  Hef ekki enn komist að því við hvað þú starfar  Hafðu það áfram sem allra best Baddý mín

[Gunnar Helgi Eysteinsson, 19.2.2008 kl. 17:58]

Þú ert ábyggilega búinn að taka fullt af myndum.... ég er forvitin

[Bjarndís Helena Mitchell, 19.2.2008 kl. 18:13]

Ég gleymdi myndavélinni heima, aulinn ég. Engar myndir, því miður. Kata, ég skal segja þér hvað ég geri við tækifæri Við þurfum að fara að hittast bara, svei mér þá!

[Huld S. Ringsted, 19.2.2008 kl. 18:56]

Til hamingju með ykkur Íslendingana þarna úti, frábært hjá ykkur! London er æðisleg borg og auðvelt að sleppa því að sofa þegar að maður er þar

Ég er búin að koma út hvolpinum sem ég fékk til baka.

[Huld S. Ringsted, 19.2.2008 kl. 18:56]

Til hamingju með ykkur Íslendingana þarna úti, frábært hjá ykkur!  London er æðisleg borg og auðvelt að sleppa því að sofa þegar að maður er þar

Ég er búin að koma út hvolpinum sem ég fékk til baka. 

[Huld S. Ringsted, 19.2.2008 kl. 18:58]

Ekki veit ég hvernig þetta skeðI???  ég ýtti bara einu sinni á "senda"

[Katrín Ósk Adamsdóttir, 19.2.2008 kl. 19:33]

 Baddý ! Ætlaði að vera búin að sega þér að ég keypti tölvuna fyrir drenginn minn í Kísildal  Hefði ekki vitað af þessari búð ef þú hefðir ekki minnst á hana,mjög góð og persónuleg þjónusta þarna

[Bjarndís Helena Mitchell, 19.2.2008 kl. 19:57]

Huld, flott að lillemann sé kominn á gott heimili, til hamingju með það. Kata, vonandi er strákurinn þinn jafn ánægður með tölvuna sína og minn er með sína. Ég gæti ekki verið sáttari.

[Guðrún B. (IP-tala skráð) 19.2.2008 kl. 22:06]

Takk fyrir helgina dúllan mín. Þetta var hrikalega gaman.

Sjáumst vonandi fljótlega.

[Ásdís Sigurðardóttir, 19.2.2008 kl. 22:27]

Alltaf stuð í London, ég ætla að skreppa í vor og heimsækja frumburðinn, hún verður 30 ára í maí.  Gott að heyra af hundinum, sú á eftir að njóta sín heyrist mér á lýsingunni.  Hafðu það gott mín kæra og ekki vinna yfir sig. Sofa líka smá 

[Ásta María H Jensen, 21.2.2008 kl. 18:27]

Velkomin heim  og til hamingju með árangurinn Íslendingar