Flottir hvolpar!!

Í dag gangur allt eins og í lygasögu! Umhverfisþjálfunin á hvolpunum er að skila sér ótrúlega hratt! Í hvert sinn sem þau vakna í gotkassanum, og vilja komast fram er farið með þau beint út á pall og þar gera þau stykkin sín! Ég er svo montin með þau, þar sem að í dag hef ég bara hreinsað upp 3 pissupolla og 2 litla lortara inni. Eftir 6 hvolpa! Að sjálfsögðu er meira úti sem er hreinsað upp. Þau eru nánast hætt að gera í hvolpakassann sinn og eru farin að gera mest allt úti. Ég vona bara að það haldi sér áfram svona, þannig að það verði ekki erfitt fyrir nýja eigendur að húsvenja hvolpana þegar þau fara frá mér. Þeim finnst svo gaman úti í snjónum hlaupa um og leika sér við mömmu sína og Afríku.  Agnarögnin komst reyndar einu sinni af pallinum í dag, fór á milli og fór í garðinn. Jeminn hvað mér brá að skyldi vanta einn! En hún kom strax og ég kallaði og var voða fegin að komast til baka. Henni varð ekkert meint af. Enda eru þau aldrei lengi í einu úti í snjónum, sem betur fer.

 

Ég verð að endurtaka auglýsinguna mína einu sinni enn. Þið verðið að fyrirgefa, en ég veit að fæst ykkar eru í hundahugleiðingum. Þau eru bara svo mikil krútt að ég bara verð, en hér kemur nýjasta auglýsingin:

 

Yndislegir svartir Miniature Schnauzer hvolpar til sölu. Ættbókarfærðir hjá HRFÍ, tilbúnir til afhendingar von bráðar. Hvolparnir afhendast, heilsufarsskoðaðir, bólusettir, ormahreinsaðir, örmerktir, umhverfisþjálfaðir og snyrtir. Hverjum hvolpi fylgir líf og sjúkdómatrygging fyrsta árið og snyrting á stofu um 4ra mánaða aldurinn. Allir hvolparnir eru búnir að fara í hvolpaskapgerðarmat. Uppl. s: 587 6466 / 898 8567 eða [e-mail]

Einnig fylgir hverjum hvolpi upplýsingamappa, með niðurstöðum úr hvolpaskapgerðarmatinu, ásamt fullt af öðrum nytsamlegum upplýsingum um tegundina og umhirðu hennar.

Endilega látið þetta berast ef þið vitið um einhvern góðan sem langar í góðan félaga og vin. Takk takk. Ég mun svo blogga á morgun og færa þetta neðar elsku vinir. Skal ekki pína ykkur lengi

 

 

Athugasemdir

[Fishandchips, 25.1.2008 kl. 01:07]

Krúttin.... en við erum víst meira fyrir ketti.  Gæti sagt þér margar sögur um Mikka og bfm.

Takk fyrir öll commentin

[Ragnheiður , 25.1.2008 kl. 01:08]

Oooo ertu ekki búin að selja einhverja þeirra ? meiri rúsínurnar sem þau eru, ég er langt í frá læknuð af því að langa í svona hvutta

[Bjarndís Helena Mitchell, 25.1.2008 kl. 01:20]

Jú reyndar er einn pantaður, en ég er líka búin að neita nokkrum um hvolp. Ég mun aldrei selja hvolp til hvolpaframleiðslu, og ekki til óábyrgra aðila heldur. Kannski er ég erfið en mér er annt um þessar elskur og vil bara góð framtíðarheimili fyrir þau. Enda læt ég gera allt sem hægt er og læt fylgja allt sem ég get með til að tryggja þeim gott start út í lífið. Hvolpaskapgerðarmatið er líka snilldartæki sem hjálpar mér að para saman réttu einstaklingana við rétta fólkið og öfugt. Þetta eru spennandi tímar núna..

[Ragnheiður , 25.1.2008 kl. 01:51]

Þá er það milljón dollara spurningin hehe myndirðu þá selja mér hvolp ?

[Bjarndís Helena Mitchell, 25.1.2008 kl. 01:58]

Hehehe, afhverju ekki? Ég tel þig vera fyrirmyndar hundaeiganda, það sem ég hef séð allavega. Ekki sakar að fleiri ferfætlingar eru á heimilinu hjá þér, í góðu atlæti, sem eru þá líka góður félagsskapur fyrir hvolpaskott.

[Ragnheiður , 25.1.2008 kl. 17:43]

Hehe já

Mér dettur oft í hug konan sem var skömmuð fyrir að dekra hundinn meira en krakkana. Hún sneri sér að viðkomandi og benti kurteislega á að hundurinn ætti ekki að verða að manni.

Mínir eru óttalegir dekurrassar. Pabbi segir að ég muni áreiðanlega alltaf eiga hund fyrst ég byrjaði á því. Hann er enginn sérlegur dýravinur en hann elskar hvuttana mína og þeir hann

[Ásdís Sigurðardóttir, 25.1.2008 kl. 21:21]

Þeir eru lang fallegastur, væri sko til en svona er að vera í blokk.  Gangi þér vel að koma þeim á góð heimili.

[Margrét Össurardóttir (IP-tala skráð) 25.1.2008 kl. 21:45]

Knús

[Gunnar Helgi Eysteinsson, 25.1.2008 kl. 23:19]

[Ásta María H Jensen, 26.1.2008 kl. 00:24]

Þeir eru alltaf sætastir, og maður kiknar í hnjánum að fá sér einn.

[Jóna Á. Gísladóttir, 26.1.2008 kl. 01:44]

Ótrúleg krútt. Ég hef þó lært af reynslu að það þýðir ekkert fyrir mig að vera með fleiri hunda en Vidda vitleysing. Hans litla órólega hjarta þolir það ekki. Og þar af leiðandi mitt ekki heldur. Gangi þér vel að finna hvolpunum heimili.