Góður svefn og grænmetissúpa...

Góðan daginn gott fólk. Ég svaf vel og lengi í nótt og líður bara mjög vel í dag. Búin að fara smá bloggrúnt, taka eitthvað til og ryksuga, fá mér morgunmat. 

Núna ætla ég að venda mér í að búa til holla og góða grænmetissúpu og hvítlauksbrauð til að hafa í hádegismat, áður en ég skutlast aðeins inn til Reykjavíkur í hundaferð.

Já, ætlunin er að fá að heimsækja Saudu og afhenda ættbókina í leiðinni. Vonandi man ég eftir myndavélinni líka og smelli nokkrum af.

Svo þarf að ná í hann Svala minn, þar sem lóðarí er komið í gang hjá fóðuraðilanum hans. Ákveðið var um daginn að hún ætlaði ekki að skila honum neitt strax, en ég hafði lofað í upphafi að taka hann ef og þegar um lóðarí væri að ræða, þar sem hann þjáist bara á meðan og verður eirðarlaus, sefur ekki, borðar ekki og húsgögn og innréttingar eiga það í hættu að vera étin ef reynt verður að loka hann af frá lóðatíkinni. Ætlunin er ekki sú að fara að framleiða Schnauzer/Schefer hvolpa, þannig að hann kemur heim á meðan. Það verður gaman og mun örugglega hrista aðeins upp í heimilislífinu á meðan. Vonandi stendur barnsfaðir minn við það að taka hann með í vinnuna á daginn. Það mun létta á álaginu hér heima.

Hafið það gott elskurnar, over and out.... 

Athugasemdir

[Huld S. Ringsted, 16.9.2007 kl. 11:22]

Eigðu góðan dag Bjarndís mín

[Gísli Bergsveinn Ívarsson, 16.9.2007 kl. 11:49]

Hafðu góðan dag ...