Endilega skoðið þetta ef þið viljið spara pening í bensín og menga minna!!

Þar sem nokkurrar forvitni gætir langaði mig að setja inn smávegis uppýsingar um tækifærið sem mér gafst í ferðinni til London um helgina. Við nánari athugun er ég bara rosalega spennt fyrir þessu og finnst að allir ættu að vita um þetta! Það er líka hægt að afla sér upplýsinga á slóðinni: www.bensinplus.myffi.biz ( á ensku) og svo má alltaf hafa samband við mig ef nánari útskýringa er þörf á íslensku. Netfangið mitt er: [e-mail]

Endilega að skoða, þetta er snilld! 

Athugasemdir

[Theódór Norðkvist, 20.2.2008 kl. 01:14]

Leó M. Jónsson gefur lítið fyrir svona töfralausnir.

[Bjarndís Helena Mitchell, 20.2.2008 kl. 05:32]

Jamm, kannski, kemur í ljós. Hann er ekki að tala beint um þetta heldur hann Leó. Eitt er víst að ég mun ekki mæla með neinu, sem virkar ekki sem skyldi, mun athuga það sjálf. En ég trúi því sem aðilarnir í London sögðu mér, um sinn eigin sparnað og mælda staðfesta minnkun á útblæstrinum hjá sér. Bíð bara eftir minni sendingu til að sannreyna þetta. Svo var þetta ekki dýrt, ég fer ekki á hausinn ef þetta reynist svo vera frat. Enginn skaði skeður. Sjénsinn ekki stór.

[Nína Margrét (IP-tala skráð) 20.2.2008 kl. 08:51]

Hæ hæ.

Það verða alltaf til efasemdis raddir við hverju sem er. Ef þetta virkar vel þá er þetta mjög sniðugt ef þetta eykur bensínsparnað og dregur úr mengunnar áhrifum. Það er ekki auðvelt fyrir fólk að losa sig við bensínbílanna sína til að draga úr mengunn en með hjálp nýs tæknis sem getur dregið úr menguninni þá erum við að leggja okkar af mörkum til að stuðla að betri heimi.

Gangi þér vel með þetta. Bestu kveðjur úr Grafarvoginum.

[Gunnar Helgi Eysteinsson, 20.2.2008 kl. 10:10]

Allt nýjungar eru töfralausnir...

Þetta var áhugavert 

[Ella mannvera Ronja Chihuahua og Lilo Boxer/Labrador, 20.2.2008 kl. 11:28]

Mjög áhugavert. Oft er það einfalda sem virkar best töfrar eða ekki

[Ásdís Sigurðardóttir, 20.2.2008 kl. 15:39]

Nú verð ég því miður að hryggja þig með því að þetta virkar ekki.  Ég var í þessu í fyrra og þetta er bara eitthvað sem hljómar vel en virkar illa. Ég fékk aldrei neitt út úr því að gerast söluaðili, stóð uppi með tap og gaf rest til að fólk gæti prófað.  Sonur minn og hans vinir, miklir bíladellu kallar gáfu skít í þetta og við hjónin prófuðum þetta á okkur bíl í  7 mán.  dætur okkar voru líka með þetta og raunveruleikinn er sá að botninn datt úr þessu.  VInur okkar sem kom okkur í þetta gafst líka upp og þó var hann með stóran kúnnahóp, þetta var bara ekki að gera sig.  Svona er mín reynsla sorry.

[Guðrún B. (IP-tala skráð) 20.2.2008 kl. 19:49]

Hæ kella, vildi bara kasta á þig kveðju.

Vona að þú hafir það gott og sért sprækur eins og lækur.

Kveðja frá Færeyjum.  

[Theódór Norðkvist, 20.2.2008 kl. 22:00]

Eitt enn: Maður veit ekki hvernig svona pillur geta farið með vélina.

[Bjarndís Helena Mitchell, 21.2.2008 kl. 10:31]

Ásdís takk fyrir reynslusöguna þína. Ég er mest að spá í hvort að varan virki sem skyldi fyrir mig. Hér fer stór hluti af rekstri heimilissins í bensínkostnað. Ef ég næði að spara 2000 kr á tankinn, yrði ég sátt við að nota þetta bara sjálf. Er ekki að fara að stressa mig á því að selja þetta grimmt. Allavega ekki til að byrja með.

Theódór, þar sem þessi vara er að gera það gott í yfir 22 löndum víðsvegar um heiminn og þá sérstaklega í Bandaríkjunum, held ég að ef einhver galli væri á vörunni fyrir bíla og vélar, væri það komið í ljós nú þegar og þetta væri  liðið undir lok á þessum rúmu 2 árum sem þetta hefur gengið. Ég er allavega með bifvélavirkja á mínum snærum sem er búinn að skoða þetta vel, bíðum bara eftir að prófa vöruna líka og erum að leggja undirbúninginn núna með því að mæla bensíneyðsluna hjá okkur. Hann mun yfirfara bílana áður en við notum vöruna, og athuga líka aftur eftir fyrst 10 skipti og þar fram eftir götunum. Sjáum bara til hvað setur.

[Theódór Norðkvist, 21.2.2008 kl. 17:10]

Ég segi bara gangi þetta vel hjá þér, Bryndís. Þú ert heppinn að hafa aðgang að bifvélavirkja, það breytir miklu.

Þeir sem hafa hann ekki og þurfa að kaupa vinnuna af þeim til að yfirfara bílinn fyrir og eftir 10 notkunir á töflunum gætu þurft að punga út svipuðum fjárhæðum og sparnaðurinn næmi.

Það verður samt forvitnilegt að fylgjast með þessu hjá þér. Ég vil allavega ekki leggja út í neitt svona fyrr en komin er reynsla á það og almenn viðurkenning fyrir algengar bílategundir. 

[Margrét Össurardóttir (IP-tala skráð) 21.2.2008 kl. 22:00]

hmmm,,, áhugavert.

[Ásta María H Jensen, 22.2.2008 kl. 01:49]

Ekki það að ég hafi reynt en ég skil ekki baun í þessu

[Ásdís Sigurðardóttir, 22.2.2008 kl. 22:47]

Já, ég er nú búin að vera með samviskubit útaf færslunni minni. Finnst ég svo leiðinleg að skjóta þig svona í kaf. Man hvað ég var bjartsýn og trúði á að þetta mundi virka og það sem betra væri að ég mundi byggja upp kúnnahóp sem síðan mundi bæta neðan við sig og ég yrði alltaf ríkari og ríkari á meðan fólk verslaði af mér frábæra vöru og sparaði þannig í bensínkaupum. Allar mínar vonir brustu og þegar toppmaðurinn minn viðurkenndi að þetta væri bara bull sem hann hefði verið að segja mér og hætti sjálfur þá varð ég jafn sár og fúl eins og í hin tvö skiptin sem ég hef reynt að græða á einhverjum pyramida.  Sonur minn keypti fyrir 60.000 og lét menn hafa til prufu hjá stórum vörubíla fyrirtækjum, vinir hans, enginn vildi nota þetta því miður.  En svona er mín saga, vona að þín verði betri.