Hamingjudagar...........

27.10.2007 | 20:21

Ég bara varð að setja inn eina mynd sem ég var að fá senda af henni Saudu, í dag. Hún hefur aldeilis stækkað og dafnað daman! Þvílík lubbalína!! Mér hlýnaði aldeilis um hjartaræturnar við að sjá þessar myndir. Það er svo gott að fá að fylgjast með henni, svona.

Þar sem ég hef ekki haft tíma til að blogga undanfarið, vegna anna, fannst mér líka kominn tími til að koma með eitthvað nýtt, frekar en að láta óskarsræðuna mína standa þarna um ókomna tíð. Hundasýningin er löngu liðin.

Undanfarnar vikur hafa einkennst af vinnu, vinnu og já meiri vinnu. Ég fékk óvænt frí í kvöld og ætla að njóta mín fyrir framan sjónvarpsskjáinn. Búin að bæta fjölskyldunni upp sukkfæðið undanfarið og hafði grænmetiseggjaböku í matinn, hvítlauks og ostabrauð og svo dýrðlegt ávaxtasalat með jurtarjóma í eftirrétt. Nammi namm. Ég er líka búin að standa við markmiðin mín og ná mínum besta mánuði í vinnunni til þessa. Bara nokkuð stolt, sátt og þreytt manneskja þessa dagana.

Það lítur út fyrir að pörunin hennar Chiquitu minnar hafi tekist um daginn, þannig að jafnvel er von á Mini Schnauzer hvolpum í byrjun desember, á heimilinu. Kemur í ljós.

Afsakið elsku bloggvinir mínir að ég hafi ekki haft tíma til að lesa, taka þátt og svara ykkar bloggum undanfarið, en ég er víst á "vertíð" í vinnunni þessa dagana og mun koma til með að bæta ykkur það upp, vonandi bráðum. En törninni minni er samt ekki alveg að ljúka á næstu dögum.....

Vonandi hafið þið það gott elskurnar, ég hugsa mikið til ykkar..............

Góðar stundir Heart

Flokkur: Bloggar | Facebook

Athugasemdir

Æjii dúllan, en hvað húm er sæt hún Sauda. Ég hlakka til að sjá litla mini Svala Nei djók

Svali er góður og duglegur. Hann fer alltaf með okkur uppí Sólheimakot í hlaup. Oh hvað hann elskar það. Ég verð að fara að greiða honum. Má ég not furmenator?

Ásta María H Jensen, 27.10.2007 kl. 20:32

Hæ skvís Ég er búin að vera að hugsa til þín og hvort að nokkuð hafi komið fyrir, ég leiddi hugann að því að auglýsa eftir þér Gott að allt er í góðu lagi fyrir utan mikla vinnu hjá þér og eigðu góða daga elskan