Smá mont..............

Nú er mín þreytt og sæl! Dagurinn í dag er búinn að vera annasamur, eða bara síðustu dagarnir. Í morgun var farið á fætur um 7 leytið, ýmislegt græjað fyrir daginn og svo lagt af stað rúmlega níu í bæinn. Ferðinni var heitið í Reiðhöllina í Víðidal á hundasýninguna, með alla hundana. Svali var reyndar í bænum, og fóðuraðilinn hans sá um að koma honum í höllina, þar sem hann var fyrst sýndur í ungum sýnendum.

Chiquita var næst í hringinn, og fékk 1 einkunn og lenti í 4 sæti. Fékk ágætan dóm og erum við sátt. Við munum sennilega ekki sýna hana aftur samt. Þetta er orðið fínt.

Svo var Svali næstur af mínum hundum. Hann var sýndur í meistaraflokki og fékk fyrstu einkunn, íslenskt og alþjóðlegt meistarastig, verðugur meistari og vann rakkana alla.

Svo var komið að Afríkunni minni. Hún fékk fyrstu einkunn, íslenskt og alþjóðlegt meistarastig og varð besti hundur tegundar! Já, hún vann hann Svala, meistarann sjálfan!! Grunaði ekki Gvend, enda gullfalleg og flott stelpa. Það sést ekki að hún hafi eignast hvolp fyrr á árinu, enda var bara um einn að ræða. En ég gæti ekki verið stoltari.

Þau hjónin fóru svo í parakeppni, en unnu ekki.

Síðan brunaði ég beint í vinnu, var að skríða heim, dauðþreytt en sæl yfir deginum. Varð bara að setja inn smá montinnlegg fyrir svefninn. Góða nótt frá mér...

Athugasemdir

[Ragnheiður , 7.10.2007 kl. 04:19]

Til hamingju ! Ég varð þeirrar gleði aðnjótandi að hitta 2 af þessarri tegund í gær, einn mini og einn giant. Yndislegir hundar alveg ...draumahundarnir mínir !

[Katrín Ósk Adamsdóttir, 7.10.2007 kl. 13:17]

Til hamingju skvís og þú hefur sko alveg ástæðu til að vera montin,það er greinilegt að öll vinnan í sambandi við hundana skilar sér og stórt knús til þín

[Nína Margrét (IP-tala skráð) 7.10.2007 kl. 13:20]

Til hamingju Baddý!  Gaman að það hafi gengið svona vel. Virkilega fallegir hundarnir þínir.

Kveðja úr Grafarvoginum.

[Ásdís Sigurðardóttir, 7.10.2007 kl. 15:26]

Innilega til hamingju með hundana, þú ert nú örugglega búin að leggja miklu vinnu i þá og það er að sila sér greinilega.

[Margrét Össurardóttir (IP-tala skráð) 7.10.2007 kl. 15:33]

Til lukku vinkona, ánægjulegt þegar strit manns er metið einhvers og samgleðst ég þér dúlla 

[Gunnar Helgi Eysteinsson, 7.10.2007 kl. 18:07]

[Huld S. Ringsted, 7.10.2007 kl. 18:14]

Til hamingju með þetta skvís, vildi óska að ég hefði verið í Reykjavík þá hefði ég sko mætt á sýninguna

[Ásta María H Jensen, 7.10.2007 kl. 18:34]

Til hamingju

[Doddi - Þorsteinn G. Jónsson (IP-tala skráð) 7.10.2007 kl. 22:30]

Innilega til hamingju með þetta, Bjarndís!

[Guðrún B. (IP-tala skráð) 7.10.2007 kl. 23:04]

LUKKS SKVÍS.. !!

Knús á þig dúllz  sjáumst á morgun.  

[Gísli Bergsveinn Ívarsson, 8.10.2007 kl. 09:33]

Innilega tl hamingju með árangurinn.  Vona að hundum og eigendum heilsist vel

[Íris Fríða , 8.10.2007 kl. 22:03]

Til hamingju með daginn, hlýtur að vera gott að vinna sumar tíkur sem hafa verið að efast um tíkina þína

Samt fannst mér Svali flottari, en það kemur út þar sem að ég er hrifnari af stórum og masculin hundum og er bara ánægð að tíkin er ekki þannig ;) 

[Bjarndís Helena Mitchell, 8.10.2007 kl. 22:13]

Já, en vissar "sumar tíkur" voru ekki með tík í hringnum á móti minni í þetta sinnið En takk fyrir hrósið með Svala, hann vann tíkina í mars og vann allt í sumar, þó að Afríka hafi ekki verið sýnd þá. Þetta er jafnt á milli þeirra og Svali rosa flottur gaur líka. Takk aftur.