Frumburðurinn 17 í dag!

Þessi ungi herramaður er 17 ára í dag! Til hamingju með daginn elsku Stebbi minn Nú er bara að hysja upp um sig sokkana og drífa sig í bílprófið!!

Hann er í skóla í bænum og vinnur með skólanum líka. Ég bíð enn eftir óskalistanum um það sem hann langar að fá í afmælisgjöf og ætla að reyna að hringja í hann á eftir og bjóða honum heim í mat í tilefni dagsins.

Úff, mér finnst alls ekki langt síðan að þessi var fæddur, öfugsnúinn með hendina á undan eins og Superman, og höfuðið í laginu eins og "Conehead" vegna sogklukkunnar. Sá var með skap! og er enn! Finnst einhvernvegin að þetta hafi verið fyrirboði um komandi tíð....

Þó á hann til skynsemistaugar inn á milli sem er gott mál. Svo ég monti mig aðeins, þá er þetta mjög greindur og hæfileikaríkur einstaklingur. Hann teiknar rosalega vel, klár á tölvur, með mjög gott tóneyra og getur verið svakalega fyndinn. Hann hrekkir stundum litla bróður sinn með því að reyta af sér brandara í gríð og erg, þangað til að bróðirinn er kominn með illt í magann, búinn að frussa drykk út í allar áttir, eða að það liggi við að hann kafni! Mér finnst það betri hrekkur en barsmíðar, verð að viðurkenna það. Þessi drengur getur hvað sem er, ef hann bara vill og hefur úthald. Vandamálið er að hann skiptir oftar um skoðun en nærbuxur, og byrjar voða vel á hlutunum, en gleymir að fylgja því eftir og klára. Hann skortir aga og úthald og þar sem hann er ofvirkur, þá finnst honum það lögleg afsökun til að hætta bara þegar honum hentar.

Góð ráð vel þegin til að hvetja kauða til að halda áfram og klára, þó það væri ekki nema önnina sem hann er í núna

Athugasemdir

[Nína Margrét (IP-tala skráð) 19.9.2007 kl. 13:04]

Til hamingju með daginn Stebbi og til hamingju með frumburðinn Baddý mín. 

Ég man eftir litlum ljóshærðum hnokka með Mikkamús snuddu sem mátti sko alls ekki týnast annars varð allt vitlaust, . Hann er skýr og klár strákur og á eftir að standa sig með ágætum í lífinu, er bara núna að hlaupa af sér hornin eins og unglingar gera.

Hafið það sem best í dag og við biðjum að heilsa afmælisbarninu.

Kær kveðja úr Grafarvoginum.

[Gísli Bergsveinn Ívarsson, 19.9.2007 kl. 13:57]

Til hamingju með daginn

 Er sjálfur að eiga við "barn" á þessum aldri og erum við mamman ráðþrota.  Höfum reyndar fengið frábært backup hjá skólanum (FG) og verður að vona að eitthvað nái á sýjast inn.

Ég að búa til pottaköku fyrir afmælisbarnið?

[Bjarndís Helena Mitchell, 19.9.2007 kl. 14:12]

Já, pottakakan góða, með niðurrifnu konsúm súkkulaði sem er látið bráðna yfir hana um leið og henni er skellt á matardiskinn er bara nammi. Auðvitað er hún í boði í eftirrétt.  Stebbi ætlar að koma heim í mat og er búinn að panta.  

[Huld S. Ringsted, 19.9.2007 kl. 16:43]

Til hamingju með frumburðinn!!  Úff ekki hef ég ráð fyrir þig með þetta að rjúka úr einu í annað, á í mesta basli með að halda minni dömu við efnið en gangi þér vel. Pottkaka, hljómar vel, deilirðu uppskrift??

[Margrét Össurardóttir (IP-tala skráð) 19.9.2007 kl. 17:01]

Til lukku með drenginn Baddý mín. Ég að gefa ráð? úfffff,,,,, veistu ég er að fara núna á foreldranámskeið í byrjun október sem tekur 8 vikur, við förum bæði, þetta er gert til að við getum samhæft okkur í uppeldinu, veitir ekki af. Foreldrar ættu allir að fara SOS eða Pmd eða hvað það heitir (er að fara á það), mér skilst að það skili svakalega góðum árangri. Gangi þér samt vel með hann.

[Esther (IP-tala skráð) 19.9.2007 kl. 19:47]

Til hamingju með púkann.  

[Jenný Anna Baldursdóttir, 19.9.2007 kl. 21:04]

Til  hamingju með soninn.  Hleypur hann ekki bara af sér hornin í rólegheitunum?  Anda inn, anda út.  Hehe

[Guðrún B. (IP-tala skráð) 19.9.2007 kl. 23:33]

Til lukku með daginn Stebbi minn.. og Baddy til hamingju með orminn þinn.  Þú veist mína skoðun. Lemja þetta lið með naglaspítu einu sinni á dag, það sem eftir er ævinnar. 

Ps. Ég bætti nýrri konu í hópinn í kvöld.

[Doddi - Þorsteinn G. Jónsson (IP-tala skráð) 20.9.2007 kl. 01:51]

Innilega til hamingju með Stebba þinn!!

[Gunnar Helgi Eysteinsson, 20.9.2007 kl. 06:22]