Hráslagaleg... - ilovemydog.blog.is

3.9.2007 | 23:20

Hráslagaleg mánaðarmót...

Já, ég bara varð að setja inn eina mynd í sólinni, að sýna kátan afturenda í veðrið í dag. Það er ekki laust við að þetta veður hafi áhrif á skapið, svei mér þá. Garðhúsgögnin fokin um koll og ekki gönguveður með hundana.

Nú er ég að setja mig í stellingar að fara að gera eitthvað uppbyggilegt, vinna og redda málunum. Mikið má ef duga skal. Ég er búin að ákveða það að heilsan ætlar ekki að hamla mér og að þetta verði bara reglulega gaman. Alltaf gaman þegar nóg er að gera.

Ég nenni ekki að útlista útréttingum dagsins, enda ómerkilegt svosem allt saman. Nema kannski eitt sem ég er fegin að hafa klárað og það er í sambandi við hvolpinn. Er ég núna búin að uppfylla öll loforðin með hana, sækja um ættbókina og greiða fyrir, tryggja hana og var heilsufarspakkinn tekinn í síðustu viku. Afgreitt mál, vona ég.

Svali minn fór í skapgerðarmat um helgina, sem hann kláraði og var hinn prúðasti gaur. Var hann rólegur og yfirvegaður og hræddist lítið, hlýðinn og góður karl. Ekki við öðru að búast af honum og núna get ég fengið alla meistaratitlana hans metna. Ég er bara fegin, því þetta eru kröfur sem þarf að uppfylla til að komast lengra.

Annars er ekkert merkilegt að frétta héðan. Vonandi hafið þið það gott öllsömul - over and out

Flokkur: Bloggar | Facebook

Athugasemdir

Þetta er nú ekkert ómerkilegt. Gaman að skuli ganga svona vel með hundna. Hvað ertu að spá í að fara að vinna.??

Ásdís Sigurðardóttir, 3.9.2007 kl. 23:38

Ekkert að spá, vinn við að elda mat handa fólki og kynna bestu potta í heimi. Annars er bannað að auglýsa á opinberum vettvangi....bara kynnt í heimahúsum...