Nei, ég slepp ekki í þetta skiptið....

Nú sit ég hér sveitt og skjálfandi, því mér er heitt og kalt samtímis. Finn ekki hitamælinn minn og vil ekki nota hundarassamælinn á sjálfa mig. Ég slepp semsagt ekki í þetta sinnið, það versnar áður en það batnar. Ég hugga mig við það að þetta mun batna samt á endanum. 

Ég er örugglega komin með flensu. Vonandi verð ég hitalaus á fimmtudaginn, því þá förum við norður. Röddin kemur og fer og það er fyndið að heyra sjálfa sig reyna að biðja fallega um kók takk, þegar röddin er á við sög sem skrækir í en sargar samt, ef þið fattið hvað ég meina. Allavega er auðvelt að urra núna.

Miðju strákurinn minn framkvæmdi hetjudáð í kvöld og reiddi fram dýrindis kvöldverð einn og sjálfur, á meðan mamma var með fjarstýringuna á honum úr lazyboy stólnum í stofunni, kyrfilega vafin inn í dúnsæng. Þar lá mamma og var með leiðbeiningarnar í beinni. Maturinn var ætur og allir fengu að borða. Strákurinn var voða stoltur og mátti vera það. (að vísu er eldhúsið eins og eftir sprengjuárás, en hey, who cares) 

Ég treysti mér ekki alveg í bloggrúntinn núna, en verð vonandi á batavegi á morgun. Takk fyrir kveðjurnar essskurnar.......etta kemur.

Athugasemdir

[Ásdís Sigurðardóttir, 28.8.2007 kl. 23:15]

Æ, látu þér batna skottið mitt, þetta er leiðinda pest.  Góða ferð norður og gangi allt vel hjá ykkur.

[Huld S. Ringsted, 29.8.2007 kl. 08:52]

Flott hjá stráknum þínum að hjálpa þér svona! En láttu þér nú batna og góða ferð norður (hvert norður?)

[Bjarndís Helena Mitchell, 29.8.2007 kl. 10:33]

Takk, en ferðinni er heitið norður á Siglufjörð.

[Nína Margrét (IP-tala skráð) 29.8.2007 kl. 11:02]

Hæ, hæ.

Takk fyrir kveðjuna frá þér. Æ, er flensan búin að grípa þig. Týpískt, hún skýtur sér alltaf niður á haustin, sérstaklega þegar skólarnir byrja og allt að ske. Drekktu Panadil Hot, það hjálpar heilmikið og liggðu með tærnar uppí loft og leyfðu öðrum að þjóna þér. Sóley mín er líka veik með hálsbólgu og hita. En þetta gengur yfir og ég vona að þú verður orðin hress þegar þið farið norður.

Kær kveðja úr Grafarvoginum.

[Guðrún B. (IP-tala skráð) 29.8.2007 kl. 11:07]

Batnaðarstraumar   

Bestu kveðjur  GB  

[Margrét Össurardóttir (IP-tala skráð) 29.8.2007 kl. 14:34]

BAtníbatnibatní,,,,,,, Sko það væri nú annað en drengurinn eldaði góðann mat upp úrþessum dýrindis pottum sem við eigum. *Smúts*