Allt á floti allsstaðar......

Já, því er ekki að neita að dagurinn hjá mér hefur verið svolítið vatnskenndur, svei mér þá. Ég var búin að ákveða að nýta mér ferð til RVK til fullnustu, þar sem ég átti tíma hjá tannlækni í tékk. (Tennur heilar og fínar ekkert vandamál þar) Fara í Rúmfó og kaupa nógu stórt fat til að marinera eins og einn lambaskrokk eða tvo. Þá var að sjálfsögðu útsala og þar sem að ég var búin að ákveða fyrir löngu að kynna Saudu fyrir vatni, og vatnsleikjum skellti ég mér á flotta vaðlaug með fullt af dóti líka. Auðvitað skemmti hún sér vel, eftir að hún komst yfir fyrsta sjokkið. Ég smellti af fullt af flottum myndum af henni, úti í sólinni í volgu vatninu að skemmta sér. Svo þegar ég ætlaði að hlaða myndunum í tölvuna, vantaði minniskubbinn í vélina!!Aaaarrrggghhh! Þó að daman væri dauðþreytt og loksins þurr aftur, þó að vatnið væri löngu orðið kalt, þó að sólin væri að setjast, þá skellti ég kubbinum í vélina og tók nokkrar myndir, bara til að marka daginn. Ég sleppti því samt að láta hana út í vatnið í það sinnið. En ég bara varð að eiga myndir af þessu síðan í dag, til að marka daginn. Verst að næst verður ekki "fyrsta skiptið" aftur

Þá er ég búin með gleðifréttirnar. Vinkona mín, sem er nýflutt í næsta hús, er búin að gera það fokhelt, setja allt nýtt, parket, innréttingar, hurðir, flísar og bara bókstaflega allt. Hún hringdi í mig í ofboði í dag. Allt á floti!! Hún hafði brugðið sér frá í 20 mínútur, og þegar hún kom heim var allt húsið á floti!! Sem betur fer með köldu vatni, en samt, það hefði verið hægt að fara í sundföt og synda bara, þetta var svo mikið. Ég var í gsm símanum þegar hún hringdi, að tala við konu sem vildi fá sjötta hundinn, hana Diljá. Ég skellti á konuna, nánast dónalega, hreytti út úr mér eitthvað um neyðarástand í næsta húsi og flýtti mér með vatnssuguna mína yfir til vinkonu minnar. Þar reyndi ég að berjast gegn náttúruöflunum með henni í dágóða stund, slökkviliðið kom með alvöru græjur, vatnssugan mín var bara písl á móti þessu. En núna er allt ónýtt sem búið er að gera, allavega næstum því. Úff, að hugsa sér, að vera búin að gera þetta allt, smotterí eftir, og svo þarf núna að byrja nánast upp á nýtt! Reyndist þetta vera af völdum vatnsæðar sem sprakk og þrýstingurinn frá henni gerði það að verkum að 5 hús á Suðurnesjum fóru á flot!!

Jæja, nú er ég búin í bakinu mínu og tolli ekki lengi fyrir framan skjáinn. Hægri fótur vill ekki hlýða mér og leyfir mér ekki að stíga í sig. Ég verð að fara og fá mér verkjó, á morgun er síðasti undirbúningsdagurinn fyrir veisluna, og vá, ég á nánast allt eftir!! Uss, bara. Hafið það sem best, ég kíki kannski á eftir, þegar lyfin eru farin að virka, ef ekki, þá er ég sofnuð bara. See ya! 

 

Athugasemdir

[Ragnheiður , 16.8.2007 kl. 22:23]

Æj aumingja vinkona þín,rosalegt að lenda í þessu

[Guðrún B. (IP-tala skráð) 16.8.2007 kl. 23:16]

Já ég var að koma frá henni og maðurinn minn var nú þarna að hjálpa þeim við að gera upp húsið. Hann fékk næstum tár í augun þegar hann sá hvernig ástandið var þannig að ég get ýmindað mér hvernig henni vinkonu minni líður.  Ferlegt. En sem betur fer þá er hún tryggð þannig að þetta verður allt í lagi. En fúllt samt.

[Ásdís Sigurðardóttir, 16.8.2007 kl. 23:58]

Hrikalega ergilegt og svekkjandi, fá þau ekki hjálp við að endurgera húsið?? er ekki bærinn bótaskildur.?? vona það þeirra vegna en þetta er samt skelfilega leiðinlegt.

[Nína Margrét (IP-tala skráð) 17.8.2007 kl. 09:22]

Hæ hæ

Ohh, það er svo svekkjandi þegar myndatakan tekst ekki og dýrmætar myndir glatast.  Momentið farið.

Leitt að heyra með vinkonu þína, vonandi gengur vel hjá henni að laga allt aftur. Verst að þurfa að gera þetta allt uppá nýtt, það fer svo mikill tími í svona verk.

Bestu kveðjur úr Grafarvoginum.

[Guðrún B. (IP-tala skráð) 17.8.2007 kl. 22:28]

Hei Badds ég er líka búin að kaupa mér svona eldhús á pallinn... Ógesslega tofff... og ekkert smá stórt. Kallinn linnti ekki látum eftir að hann sá flotta grillið ykkar, þannig að það var keypt eitt í dag.  Þér að kenna, sendi þér reikninginn... súmí 

[Bjarndís Helena Mitchell, 18.8.2007 kl. 00:24]

Hahahaha, gott hjá ykkur bara, ég bíð bara eftir heimboðinu í grill heima hjá ykkur í nýja húsinu!! Sjáumst á morgun skvís, klæddu þig vel, því það verður skýjað. Ekki verra ef þú getur tekið með þinn eigin stól til að sitja á. LOL djók, bítmí

[Ragnheiður , 18.8.2007 kl. 00:32]

hehe á bara að mæta með mublurnar í garðinn ? Kva ? *djók*

Góða nótt og gott gengi í veisluhöldum

[Bjarney Hallgrímsdóttir, 18.8.2007 kl. 01:07]

dí mar, það hefur verið stuð í "sundi" hjá voffa í dag

[Ásdís Sigurðardóttir, 20.8.2007 kl. 21:03]

Er enn allt á floti?????